مثل أي أحد يبغى يبدأ هواية جديدة او مشروع جديد، قررت انك تبغى تدخل في الطباعة ثلاثية الأبعاد لكنك محتار ومو فاهم تفاصيل الطابعات والفروقات بينها ووش بالضبط تحتاج. لذلك قررت أنك تبغى تقرأ وتثقف نفسك أكثر قبل لاتدفع.
أول شي حاب أقول لك ان اللي تسويه هو الصح وانك جيت المكان الصح!
دائما لما يكلمنا أحد يقول أبغى طابعة، نقول له خبرنا عن استخدامك واحتياجك. لأن ممكن أننا نبيعك شي ب1400 وممكن نبيعك شي ب20 الف، فليش تدفع العشرين وانت تكفيك أم الألف او الألفين!
طيب، أول قرار بتقرره هو هل أنا أحتاج الطباعة ثلاثية الأبعاد بنظام الفلمنت اللي يسموه Fused Deposition Modeling (FDM) أو لا؟ نرجع لنقطة التطبيقات والاحتياج:
- طباعة القطع اللي ماتحتاج دقة عالية جدا يعني مثلا بتسوي قطع للبيت او صيانة الأجهزة المنزلية او ألعب بسيطة للأطفال. في هالحالات وماشابهها خلك هلى الـFDM
- أمثلة موجودة في متجرنا:
- Bambulan A1 Mini
- Elegoo Neptune 4 Pro
- Elegoo Centauri
- أمثلة موجودة في متجرنا:
- كذلك طباعة القطع الكبيرة يعني نتكلم 30 سم مكعب وطالع فبتخليك على الـFDM
- أمثلة موجودة في متجرنا:
- Bambulab H2-series
- Elegoo Neptune 4 Max
- Elegoo Orangestorm Giga
- أمثلة موجودة في متجرنا:
- تصنيع القطع اللي يكون فيها ألوان أو مواد مختلفة
- أمثلة موجودة في متجرنا:
- كل طابعات بامبولاب Combo
- أمثلة موجودة في متجرنا:
- لو بتشتغل في البيت وماعندك مكان مخصص للعمل يكون مفصول عن مكان المعيشة فأيضا خليك على الـFDM
- لو ميزانيتك محدودة وتبغى تبدأ بأقل الإمكانات خليك على الFDM
طيب وش التقنية الثانية اللي ممكن تنفعني؟ لو فرضنا ان تطبيقاتك تحتاج:
- دقة عالية جدا بحيث التفاصيل وأبعاد التفاصيل هذه تكون أقل من 1 ملم
- لو كان عندك تطبيقات تحتاج ان القطع تحتفظ بالماء لان الأغلب في الـFDM انه يهرب ماء من خلال المسامات الصغيرة بين الطبقات
- اذا كان يهمك ان ملمس القطع يكون أملس وماتبين فيه خطوط الطبقات
- اذا كنت تحتاج قطع عالية المتانة وتتحمل قوى عالية
- اذا تشتغل بقطع طبية وبتستعمل في جسم المريض
- اذا كنت تشتغل في الأسنان
- اذا كنت تشتغل في المجوهرات
- طابعة Elegoo Saturn 4 Ultra 16K الأفضل وأيضا بتحتاج ادوات للغسيل والمعالجة بنتكلم عنها في مقال آخر
- في حال التركيز على الأسنان والتطبيقات الطبية، بتستخدم طابعات Phrozen Sonic المخصصة لذلك والمتوفرة عندنا
التقنية اللي بتساعدك في هالتطبيقات هي الطباعة باستخدام الرزن وتسمى Stereolithography (SLA) أو (MSLA).
في المثال التالي بتشوف الفرق في التفاصيل لما نتكلم عن التقنيات المختلفة:
طيب، الآن انك حددت احتياجك هو FDM، السؤال اللي بعده تطرحه على نفسك:
- هل أحتاج طباعة ألوان مختلفة في نفس القطعة؟
- نعم؟ معناها تحتاج طابعة فيها جهاز مهمته تبديل المواد (الفلمنت) بحيث كل بكرة تكون بلون مختلف ومن ضمن تجهيز المجسم للطباعة بتختار كل لون لكل منطقة من المجسم. كل شركة تسمي جهازها شي لكن اللي نتعامل فيه من Bambulab يسموه AMS يعني Automatic Materials System
- لا؟ تحتاج طابعة وفلمنت وتكون جاهز للعمل. وهذا بيوفر عليك مبلغ كبير!
- كمثال: باستخدام Bambulab A1 Combo بتقدر تطبع قطع بألوان مختلفة في نفس القطعة. لكن اذا استخدمت Elegoo Neptune 4 Pro مابتقدر. تابع المثال التالي:
- كمثال: باستخدام Bambulab A1 Combo بتقدر تطبع قطع بألوان مختلفة في نفس القطعة. لكن اذا استخدمت Elegoo Neptune 4 Pro مابتقدر. تابع المثال التالي:
- الى أي حد مستعد تتعامل مع مشاكل الطباعة؟
- الى حد كبير، بتحاول تختار طابعة "غبية" مافيها الكثير من التقنيات لكن بتحتاج انك تكتشف المشاكل بنفسك من خلال الممارسة والقراءة وغيره. هذا أيضا ممكن يوفر عليك مبالغ كبيرة
- ودك تريح راسك؟ بتختار الطابعات اللي فيها الكثير من التقنيات اللي تكتشف الأخطاء اما عند وقوعها او قبل. وبالتالي تقلل من الإهدار. طابعات بامبولاب تتميز بهذا الأمر من خلال حساسات وتنبيهات على الجوال...الخ
نورنا في التعليقات لو عندك أي سؤال أو إضافة ممكن اننا نتكلم عنها أكثر في مقالات قادمة.